تحسين محركات البحث

الموقع اللي كانت لينكاته بتزيد وزياراته بتنزل

موقع تجارة إلكترونية كان بيفقد 21 ألف كلمة و67 ألف زيارة في 30 يوم، والباك لينكس في نفس الشهر بتزيد. الكلمات المتصدّرة رجعت من 54.9 ألف لـ 102 ألف.

4,300

كلمة في أول 3 نتايج

777

العميل: محجوب باتفاق مع العميل
المجال: تجارة إلكترونية

المشكلة

الموقع كان بيفقد 21 ألف كلمة و67.4 ألف زيارة في 30 يوم.
وفي نفس التلاتين يوم كانت الباك لينكس بتزيد 5,900 والدومينات المحيلة بتزيد 376.
يعني كان فيه حد شغّال وبيسلّم أرقام بتطلع، والموقع بينزل تحته.

اللي عملناه

تنضيف ملف اللينكات: رفض اللي مضر بدل ما نزوّد فوقه.
الشغل على المحتوى اللي بيترتب فعلًا، مش على عدد الصفحات.
القياس على الكلمات اللي في أول 3 نتايج، مش على إجمالي الكلمات.

اللي حصل

الكلمات المتصدّرة من 54.9 ألف لـ 102 ألف.
أول 3 نتايج من 777 لـ 4,300.
Domain Rating من 36 لـ 40.

الوضع قبل

الموقع كان واقف فين

الموقع كان بيفقد 21 ألف كلمة و67.4 ألف زيارة في 30 يوم. وفي نفس التلاتين يوم كانت الباك لينكس بتزيد 5,900 والدومينات المحيلة بتزيد 376.

يعني كان فيه حد شغّال وبيسلّم أرقام بتطلع، والموقع بينزل تحته.

01·من الشغل

اللينكات كانت بتزيد، والترتيب بينزل

أول حاجة عملناها إننا وقفنا نبص على الأرقام اللي بتطلع وبصينا على اللي بينزل. الباك لينكس بتزيد +5,900 والدومينات المحيلة +376 في 30 يوم — والكلمات نازلة 21 ألف، والزيارات نازلة 67.4 ألف، وأول 3 نتايج نازلة 634.

التقرير اللي بيقول «اللينكات زادت» صح حرفيًا وغلط عمليًا. الرقم اللي بيتحرك مش دايمًا الرقم اللي بيهمك.

Ahrefs، قبل: الأرقام الصغيرة جنب كل رقم كبير هي اللي بتقول الاتجاه.

02·من الشغل

اللي رفضنا نعمله

ما زوّدناش لينكات فوق ملف فيه مشكلة. زيادة اللينكات على ملف مش سليم بتكبّر المشكلة، مش بتغطيها.

وما بنيناش صفحات جديدة قبل ما نصلّح اللي موجود، وما قسناش النجاح بإجمالي عدد الكلمات، لأن ده الرقم اللي بيحلّي التقرير وما بيقولش حاجة عن الشغل.

03·من الشغل

اللي حصل بعد كده

الكلمات المتصدّرة رجعت وزادت: من 54.9 ألف لـ 102 ألف. وأهم من ده، الكلمات اللي في أول 3 نتايج من 777 لـ 4,300 — ودي الكلمات اللي ورا كل واحدة فيها حد بيدوّر وهو ناوي يشتري.

الدومينات المحيلة نزلت من 2,500 لـ 2,000، وده مقصود: اللي اترفض كان بيضر مش بينفع.