+
بتشمل أربع مراحل، كل واحدة بتبني على اللي قبلها. الأولى Technical Foundation، وفيها فحص شامل للزحف والفهرسة، إصلاح السرعة و Core Web Vitals، بناء sitemap و robots، Schema، ومعالجة تكرار المحتوى. والتانية Search Intent، وفيها بحث كلمات مفتاحية بالعربي والإنجليزي، تصنيفها حسب مرحلة القرار، خريطة محتوى، وكتابة وتحسين الصفحات. والتالتة Authority، وفيها تحليل الروابط الحالية، بناء روابط من مصادر حقيقية، وتحسين الظهور المحلي. والرابعة Measurement، وفيها إعداد GA4 و Search Console، تتبّع التحويلات الحقيقية زي المكالمات والواتساب، وتقرير شهري بلغة مفهومة. وبنضيف عليهم شغل تحسين الظهور في نتايج الذكاء الاصطناعي، وده جزء أساسي مش إضافة.
+
أول 3 شهور أغلب الشغل مش هتشوفه: إصلاحات تقنية وصفحات بتدخل الفهرس. من الشهر الرابع للسادس بتبدأ تشوف حركة حقيقية في الترتيب وزيادة في الزيارات المجانية. من الشهر السابع للتاني عشر الشغل بيبدأ يتراكم وبيبقى مصدر عملاء ثابت. المدة دي بتتغير حسب حالة موقعك ومنافسة مجالك: موقع أساسه سليم ممكن يتحرك أسرع، وموقع عليه عقوبة أو أساسه مش سليم ممكن ياخد أطول. بنقولك تقديرنا للحالة بتاعتك بعد التحليل المجاني، مش قبله.
+
لأ، ومحدش يقدر. جوجل مش بيبيع مراكز في النتايج المجانية، والترتيب بيتحدد بمئات العوامل اللي بتتغير باستمرار. أي وكالة بتضمنلك المركز الأول إما بتقول كلام مش صحيح، أو هتستهدفلك كلمات محدش بيدوّر عليها عشان توريك رقم 1 في تقرير آخر الشهر. اللي بنضمنه: شغل واضح بنقولك عملنا فيه إيه بالظبط، وقياس صادق بيقولك اتحرك إيه، وحرية تمشي في أي وقت لو مش شايف قيمة.
+
الإعلانات بتشتري ظهور فوري: بتدفع، بتظهر، وأول ما توقف الدفع بيقف الظهور. السيو بيبني حاجة بتفضل معاك: بياخد وقت، بس بعد ما يشتغل بيفضل يجيب زيارات من غير ما تدفع عن كل كليك. أغلب الشركات محتاجة الاتنين بس بترتيب: الإعلانات بتشتغل من الشهر الأول وبتديك بيانات حقيقية عن الكلمات اللي بتحوّل فعلًا، والبيانات دي بتوجّه شغل السيو فيوصل أسرع. لو ميزانيتك محدودة ومحتاج مبيعات دلوقتي، ابدأ بالإعلانات. لو عندك أفق 6 شهور وعايز تقلل تكلفة العميل على المدى الطويل، ابدأ السيو بالتوازي.
+
جزء كبير من البحث التجاري بقى بيبدأ من ChatGPT و Perplexity، ومن إجابات جوجل نفسها اللي بتظهر فوق النتايج. في الحالات دي المستخدم بياخد إجابة من غير ما يدوس على أي لينك، فالسؤال بقى: الـ AI بيذكر مين؟ الفرق التقني المهم إن أغلب بوتات الذكاء الاصطناعي مش بتشغّل JavaScript، فالمواقع اللي محتواها بيتبني في المتصفح بتبقى غير موجودة بالنسبة لها تمامًا. شغلنا هنا بيتركّز على أربع حاجات: إن المحتوى يكون كامل في الـ HTML من السيرفر، وإن كل سؤال يكون ليه إجابة واضحة قابلة للاقتباس، وSchema بتعرّف الـ AI بشركتك، ومتابعة لإذا كان بيذكرك ولا بيذكر منافسك.
+
بنشتغل مع الشركات اللي عندها خدمة أو منتج بيتباع فعلًا وعميلها بيدوّر عليه في السيرش: الطبي والتجميل، العقارات، التعليم، التجارة الإلكترونية، الخدمات المهنية والقانونية، والتكنولوجيا و B2B. مش بنشتغل في المجالات اللي بتحتاج ادعاءات مش قابلة للإثبات، ولا في أي شغل بيتطلب تحايل على قواعد المنصات. ولو مجالك محتاج تخصص مش موجود عندنا هنقولك من الاجتماع الأول بدل ما ناخد الشغل ونتعلّم على حسابك.
+
أربع حاجات: صلاحية دخول على Google Analytics و Google Search Console، ولو مش متظبطين إحنا بنظبطهم. صلاحية على لوحة تحكم الموقع أو تواصل مع اللي بيطوّره. معلومات عن عملائك الحاليين: مين أفضل عميل عندك وليه، وإيه أكتر سؤال بيتسأل قبل الشراء. وأخيرًا شخص واحد من ناحيتكم بيقدر يوافق على المحتوى، لأن أكتر حاجة بتأخّر شغل السيو هي انتظار الموافقات.
+
التكلفة بتتحدد بحجم الموقع، وحالة الأساس التقني، ومنافسة مجالك، وعدد اللغات. مش بنعرض سعر ثابت على الصفحة لأن الرقم من غير تشخيص بيبقى تخمين. اللي بنعمله: تحليل مجاني لموقعك خلال 48 ساعة، وبعده بنديك نطاق سعري واضح مربوط بنطاق شغل محدد، ومعاه تقدير للمدة والنتيجة المتوقعة. التحليل مالوش أي التزام، والتقرير بيبقى ملكك حتى لو مكمّلناش مع بعض.
