فيديوهات كانت بتاخد أيام وميزانية، بقت أسرع وأوفر.

ده بيعتمد على نوع المشهد. المنتجات الجامدة والطعام والماكرو والمشاهد التجريدية بقت مقنعة لدرجة إن أغلب الناس مش بتفرق، والشغل اللي عرضناه كله من النوع ده وتقدر تحكم بنفسك. الوش البشري في لقطات قريبة وطويلة لسه أصعب، وهنا بنقولك بصراحة قبل ما نبدأ. وفيه حاجة مهمة: الجمهور مبقاش بيتعامل مع ده كعيب. الإعلان اللي فيه فكرة كويسة بيشتغل سواء اتصوّر أو اتولّد، واللي مفيهوش فكرة بيفشل في الحالتين.

الفرق بيختلف حسب الحالة، بس المقارنة العملية كده: يوم التصوير بيحتاج طاقم ومعدات ولوكيشن وفود ستايلست لو أكل، وتنسيق مواعيد، وأي إعادة تصوير معناها يوم تاني بتكلفته كاملة. الـ AI بيشيل التكاليف دي كلها ويخلي التكلفة في الوقت والمراجعات. وأكبر فرق مش في السعر أصلًا، ده في التعديل: لو عايز نسخة تانية بلون مختلف أو عرض مختلف أو مقاس مختلف، ده تعديل مش إعادة تصوير. المرونة دي هي اللي بتوفر أكتر حاجة على المدى الطويل.

بنشتغل من صور منتجك الحقيقية كمرجع، وبنراجع التفاصيل معاك في مرحلة الـ Shooting Board قبل التحريك: اللون والملمس واللوجو والنسب. للمنتجات البسيطة والمتوسطة الدقة بتبقى عالية جدًا. للمنتجات اللي فيها نص صغير على العبوة أو تفاصيل ميكانيكية دقيقة، بنقولك من البريف إن ده هياخد مراجعات أكتر، وساعات بنقترح حل مختلط: نصوّر المنتج نفسه لقطة واحدة ونركّبه في مشهد مولّد. ده بيدي دقة التصوير مع مرونة الـ AI.

التسليم النهائي خلال 10 أيام من استلام الدفعة الأولى، وده الوقت المكتوب في عرض السعر. الأيام دي بتتقسم على البريف، والـ Model Sheet، والـ Shooting Board، وبعدها التنفيذ. الحملات السردية اللي فيها شخصيات ومشاهد كتير بتاخد أطول وبنقولك المدة في عرض السعر من الأول. أكتر حاجة بتأخر الشغل مش التنفيذ، دي الموافقات: المدة بتبدأ تتحسب من الدفعة، وبتقف كل ما نستنى ردك على مرحلة. لو الـ Shooting Board استنى أسبوع، المشروع بيتأخر أسبوع.

أيوة. حقوق الاستخدام الكاملة بتنتقل لك مع سداد باقي المبلغ، وبتستخدم الفيديوهات في أي مكان وأي وقت من غير رجوع لينا. بنسلّم بالمقاسات المتفق عليها (9:16 و1:1 و16:9) لأن كل منصة ليها مقاس، والنسخة الواحدة اللي بتتقص لكل المنصات بتضيّع نص الكادر. الملفات الخام والمشاريع الوسيطة بتفضل عندنا للرجوع إليها، وتقدر تطلبها.

التعديل مفتوح في مرحلتين: الـ Model Sheet (شكل الموديل والمنتج) والـ Shooting Board (اللقطات وترتيبها). في المرحلتين دول بنعدّل معاك لحد ما تبقى راضي، ومش بنكمل غير لما توافق كتابةً. الموافقة على الـ Shooting Board هي بداية الإنتاج، وبعدها الشغل بيتنفذ زي ما اتوافق عليه بالظبط وأي تغيير بيبقى شغل جديد بسعره. السبب مش تعنّت: التنفيذ نفسه بياخد وقت وموارد بتتحجز على أساس موافقتك، وتغيير لقطة بعد ما اتنفذت معناه إعادة المرحلة كلها. عشان كده بنركّز التعديل في المكان اللي هو فيه مجاني وسريع.

أربع حاجات. صور منتجك الحقيقية من كذا زاوية وبإضاءة كويسة، لأن دي مرجعنا للدقة. الهوية البصرية: اللوجو والألوان والخطوط. وضوح في الرسالة: الإعلان ده بيتكلم مع مين وعايزه يعمل إيه بعد ما يشوفه. وشخص واحد من ناحيتكم بيقدر يوافق على السيناريو، لأن الموافقات المتفرقة هي أكتر حاجة بتأخر الإنتاج.

فيديو المنتج بيبدأ من 10,000 جنيه ويوصل لـ 15,000 حسب المدة وعدد اللقطات والمقاسات المطلوبة. لو بتعمل أكتر من فيديو مع بعض السعر بيقل. الحملات السردية اللي فيها شخصيات ومشاهد كتير ليها تسعير مختلف بنحطه في عرض السعر. الدفع 50% مقدم عشان الشغل يبدأ و50% عند التسليم. ومهم نقول ده بوضوح: الرقم ده مش رخيص في المطلق، وفيه ناس هتعملهالك بأقل. اللي بنقارن بيه إنك عشان تطلّع نفس اللقطة بكاميرا محتاج استوديو ومصور وطاقم إضاءة وفود ستايلست لو المنتج أكل، ويوم كامل من وقتك، وده ممكن يوصل 50 ألف جنيه للفيديو الواحد.