عارف إن فيه مشكلة بس مش عارف اسمها إيه؟

لأ. أغلب اللي بيشتغلوا معانا بيبدأوا بخدمة واحدة، وكتير بيفضلوا عليها. بنقولك لو فيه خدمة تانية هتخلي اللي انت طالبه يشتغل أحسن، بس ده اقتراح مش شرط. والحاجة الوحيدة اللي بنصرّ عليها إننا ما نبدأش شغل إعلانات أو SEO على موقع مش شغال، لأن ده صرف فلوس على حاجة عارفين إنها مش هتنجح.

على حسب الخدمة. المواقع والفيديو مشاريع ليها بداية ونهاية ودفعات مكتوبة. الـ SEO والسوشيال والإعلانات شغل شهري ومستمر بطبيعته، وبنتفق فيها على مدة أولى واضحة عشان الشغل ياخد وقته، وبعدها بتكمل لو النتيجة عاجباك. مفيش حاجة بتتجدد تلقائيًا من غير ما تعرف.

اشتغلنا في الطبي والتجميل والأثاث والأسمدة الزراعية والماكينات الصناعية والشحن الدولي والتعليم والمطاعم و SaaS. اللي بيفرق مش المجال. بيفرق إن يكون عندك حاجة بتبيعها، وحد من عندك يرد على أسئلتنا وإحنا شغالين. ولو مجالك جديد علينا، بنقولك من أول مكالمة إن أول شهر هيبقى فيه تعلّم.

فيه حد أقصى لكل خدمة ومكتوب في صفحتها. الأرقام دي مش تسويق: كل مشروع بياخد وقت حقيقي في المراجعة والمتابعة، ولما بناخد أكتر من اللازم أول حاجة بتتأثر هي سرعة الرد عليك. لو مفيش مكان بنقولك من الأول ونحجزلك ميعاد بداية واضح.

بنتفق على الرقم قبل ما نبدأ، وبنظبّط الـ Tracking بنفسنا عشان الأرقام تطلع صح. والتقرير بيقول: الرقم فين، وإيه اللي حرّكه، وإيه اللي مشتغلش، وإيه اللي هنحسّنه الشهر الجاي.

مكالمة نص ساعة بنفهم فيها شغلك وإيه المشكلة اللي عايز تحلها وإيه اللي جرّبته قبل كده. بعدها بنبعتلك عرض مفصّل فيه نطاق الشغل والمدة والدفعات والرقم اللي هنقيس عليه. مفيش أي التزام لحد ما توافق، ولو شفنا إن اللي محتاجه مش عندنا بنقولك ونرشحلك حد لو نعرف.