لو بتدوّر على خدمات تحسين محركات البحث اسعار في مصر، فالسيو بيتسعّر غالبًا باشتراك شهري، والسعر بيتحدد بحجم الموقع وحالته التقنية ومنافسة مجالك. الأسعار في السوق بتختلف أضعاف بين عرض والتاني، عشان كده قارن باللي بيتعمل في الشهر مش بالرقم. عندنا في Win Market Agency اشتراك السيو بـ 15,000 جنيه في الشهر (أسعار أكتوبر 2026).
01خدمات تحسين محركات البحث اسعار في مصر بتتحسب إزاي؟
أغلب شركات السيو بتسعّر باشتراك شهري، لأن الشغل نفسه مش بيخلص: جوجل بيتغير، ومنافسينك بيتحركوا، والمحتوى بيتبني شهر ورا شهر. وفيه شركات بتشتغل بالمشروع أو بالساعة، وكتير منها بيجمع أكتر من نموذج.
| نموذج التسعير | بتدفع على إيه | بيناسب إمتى | خلي بالك من |
|---|---|---|---|
| اشتراك شهري | شغل مستمر: تقني ومحتوى وروابط وقياس | موقع عايز يكبر في السيرش على مدى شهور | اطلب تسليمات كل شهر بالاسم |
| مشروع لمرة واحدة | تحليل تقني، تظبيط قبل الإطلاق، نقل لدومين جديد | موقع جديد أو بيتعمل له Redesign | الشغل بيقف يوم التسليم |
| بالساعة | استشارة أو مراجعة شغل فريقك | عندك فريق داخلي محتاج توجيه | الساعات من غير سكوب مكتوب بتطوّل |
| الدفع على المراكز | بتدفع لما كلمة توصل لمركز معين | نادر لما يناسب حد | سهل يختارلك كلمات محدش بيدوّر عليها |
02باقات تحسين محركات البحث: كل مستوى بيديك إيه؟
اللي بيفرق بين باقات تحسين محركات البحث هو السكوب: إيه اللي بيتعمل، وإيه اللي برّه الاتفاق. اسم الباقة، Silver ولا Gold، مش بيقولك حاجة.
| السكوب | بتاخد إيه | مش بتاخد إيه |
|---|---|---|
| تظبيط سيو لمرة واحدة | عناوين ووصف الصفحات، sitemap، ربط Search Console | محتوى جديد، روابط، متابعة |
| سيو تقني بس | إصلاح الفهرسة والسرعة والمحتوى المكرر | صفحات جديدة على كلمات بتجيب عملاء |
| محتوى بس | مقالات وصفحات على كلمات مختارة | أساس تقني يخلّي المقالات دي تتقري وتترتب |
| اشتراك شامل | تقني، ومحتوى حسب نية الباحث، وروابط من مواقع حقيقية، وقياس، وظهور في إجابات الذكاء الاصطناعي | نتيجة في أول شهر |
اشتراكنا من النوع الأخير، وتفاصيل مراحله على صفحة خدمة تحسين محركات البحث.
03تكلفة السيو الشهرية بتروح على إيه؟
تكلفة السيو الشهرية بتروح على شغل بيتعمل طول الشهر، والتقرير اللي في آخره بيوريك الشغل ده. الشهر الطبيعي فيه:
- فحص تقني: صفحات خرجت من الفهرس، أخطاء جديدة في Search Console، سرعة الموبايل.
- بحث كلمات: الناس بتدوّر بأنهي كلام، وأنهي صفحة مسؤولة عن أنهي كلمة.
- تحسين صفحات موجودة: خصوصًا اللي قريبة من الصفحة الأولى، لأنها أسرع مكسب.
- صفحات أو مقالات جديدة: بتجاوب على الأسئلة اللي عميلك بيسألها قبل ما يشتري.
- روابط: من مواقع حقيقية في مجالك.
- قياس: ربط Search Console وAnalytics بالتحويلات، عشان تعرف كام عميل كلمك من جوجل.
- تقرير ومكالمة: اتعمل إيه، واتحرك إيه، والشهر الجاي فيه إيه.
مثال: عيادة أسنان في مدينة نصر. أول شهر بيروح أغلبه في الفهرسة والسرعة وGoogle Business Profile. التاني في صفحة لكل خدمة، تقويم وزراعة وتركيبات، بالكلام اللي المريض بيكتبه. التالت بيبدأ فيه شغل الروابط من مواقع طبية ومحلية.
04النتيجة بتبان إمتى؟ 3 و6 و12 شهر
السيو بياخد شهور. جوجل نفسه بيقول في دليل السيو للمبتدئين إن بعض التغييرات بتبان في ساعات وبعضها بياخد كذا شهر، وإنك تستنى كام أسبوع قبل ما تحكم على أي تعديل.
| المدة | المفروض تشوف | لسه بدري على |
|---|---|---|
| أول 3 شهور | صفحات بتدخل الفهرس، أخطاء بتقل، مرات ظهور أكتر في Search Console | زيارات كبيرة أو مبيعات من السيرش |
| من 4 لـ 6 شهور | الصفحات اللي اتحسّنت بتطلع في الترتيب، الزيارات المجانية بتزيد، أول استفسارات من السيرش | الكلمات الكبيرة اللي عليها منافسة شديدة |
| من 7 لـ 12 شهر | الشغل بيتراكم، وكل صفحة جديدة بتستفيد من اللي قبلها، والسيرش بيبقى مصدر عملاء ثابت | — |
ده الشكل اللي بنشوفه عادةً، وبيتغير حسب حالة الموقع والمنافسة. موقع عقارات اشتغلنا عليه طلع من 39 زيارة مجانية في الشهر لحوالي 200 ألف، والقصة كاملة في دراسة الحالة.
05السيو الرخيص بيكلّف كام في الآخر؟
السيو الرخيص بيبقى غالي لما يجيب عقوبة. جوجل بيقول في سياسات الـ Spam إن المواقع اللي بتخالفها ممكن تنزل في الترتيب أو تختفي من النتايج خالص. العرض الرخيص غالبًا بيوفّر في حاجة من دول:
- الروابط: «1000 لينك في الشهر» بسعر ثابت معناه روابط مشتراة أو معمولة بأدوات أوتوماتيك، والاتنين Link Spam عند جوجل.
- المحتوى: مئات المقالات المولّدة بالذكاء الاصطناعي. جوجل بيعتبرها Scaled Content Abuse لو اتعملت عشان الترتيب من غير قيمة للقارئ.
- القياس: تقرير فيه مراكز كلمات بس، ومن غير ما تشوف Search Console بنفسك.
وباقي العلامات اللي جوجل بيحذّر منها، زي ضمان المركز الأول، في أسئلة أول مكالمة مع شركة السيو.
وزيادة الروابط مش دليل إن الموقع بخير. متجر كبير استلمناه كان بيخسر 21 ألف كلمة و67 ألف زيارة في 30 يوم، والباك لينكس بتاعته بتزيد في نفس الوقت. إيه اللي حصل وإزاي اتصلّح.
06إزاي تقارن بين عرضين سعر؟
قارن السكوب قبل الرقم. اسأل كل شركة نفس الأسئلة دي:
- هتحللوا الموقع قبل عرض السعر؟ جوجل بيقول إن التحليل المفروض يديك تقدير واقعي للتحسن وللشغل المطلوب.
- إيه التسليمات كل شهر، بالاسم؟
- هتقيسوا العائد إزاي، وهشوف الأرقام فين؟
- الروابط هتيجي منين؟ لو الإجابة «باقة»، اقفل الموضوع.
- لو وقفنا الشغل، كل الحسابات والمحتوى بيفضلوا عندي؟
- مدة العقد كام، ولو حبيت تمشي بيحصل إيه؟
07تبدأ منين؟
لو موقعك جديد أو بيتعمل له Redesign، ابدأ السيو دلوقتي، قبل ما الموقع يتبني. لو عندك موقع شغال، ابدأ بتحليل يقولك انت واقف فين وإيه أول حاجة تتصلّح. اشتراك السيو عندنا بـ 15,000 جنيه في الشهر، وطريقة الشغل والتوقعات بالتفصيل على صفحة خدمة السيو في Win Market Agency.
؟الأسئلة الشائعة
هل فيه سيو بيتدفع مرة واحدة؟
أيوه، كمشروع: تحليل تقني، أو تظبيط قبل الإطلاق، أو نقل لدومين جديد. ده بيصلّح الأساس، بس مش بيبني محتوى ولا روابط. عشان الموقع يكبر في السيرش، محتاج شغل مستمر شهر ورا شهر.
ليه أسعار خدمات السيو بتختلف كده بين شركة والتانية؟
لأن كل عرض بيبيع سكوب مختلف. عرض رخيص ممكن يكون تظبيط عناوين بس، وعرض أغلى فيه تقني ومحتوى وروابط وقياس. عشان كده قارن قايمة التسليمات الشهرية قبل السعر.
السيو أرخص من الإعلانات الممولة؟
على المدى الطويل غالبًا، لأنك مش بتدفع على كل نقرة جاية من النتايج المجانية. بس الإعلانات بتجيب زيارات من أول يوم، والسيو بياخد شهور. المقارنة كاملة في الفرق بين السيو والإعلانات الممولة.
أحكم على شركة السيو بعد قد إيه؟
احكم على الشغل من أول شهر: لو مش شايف تسليمات بتتعمل، دي إشارة كفاية. واحكم على الترافيك بعد 6 شهور تقريبًا. وقبل ما تمضي، اسأل عن مدة العقد وإزاي تنهيه.
فريلانسر ولا شركة سيو؟
الفريلانسر الكويس بيبقى قوي في جزء واحد: تقني أو محتوى أو روابط. لو موقعك محتاج التلاتة، يا إما تنسّق بين أكتر من حد، يا إما تروح لشركة عندها الأدوار دي. في الحالتين اطلب تسليمات مكتوبة وتقرير بأرقام.
عايز موقعك يظهر في جوجل وفي إجابات الذكاء الاصطناعي؟
تحليل مجاني لموقعك خلال 48 ساعة: واقف فين، وإيه اللي مانعه يطلع، ونبدأ بإيه.
